Сатон прогнозира: Јунајтед нема да пронајде решение за Евертон, Сити ќе „изгори“ во Ливерпул

Пред нас се уште девет натпревари од 13.коло во англиската Премиер лига, натпревари од кои во фокусот дефинитивно ќе биде оној последниот меѓу Ливерпул и Манчестер Сити, дерби соочувањето на актуелниот лидер со бранителот на титулата кој е во сериозна резултатска криза.

„Црвените“ по се што покажаа во досегашниот тек на оваа сезона го имаат статусот на фаворити на хартија, статус кој Крис Сатон очекува да биде потврден и на теренот со убедлива победа на избраниците на Арне Слот.

Некогашниот најдобар стрелец во ПЛ и човек кој со Блекбурн стана англиски шампион смета дека Сити ќе доживее дебакл, пораз од 4-1.

Воедно ги истипува со точен резултат и останатите средби, а во очи дефинитивно влегува типот за Манчестер Јунајтед-Евертон затоа што верува дека Рубен Аморим нема да се радува на триумф и на вториот лигашки натпревар на новата функција.

Типови на Сатон:

Брентфорд-Лестер 2-1

Кристал Палас-Њукасл 1-1

Нотингем Форест-Ипсвич 2-1

Вулверхемптон-Борнмут 2-2

Вест Хем-Арсенал 0-1

Челси-Астон Вила 2-1

Манчестер Јунајтед-Евертон 1-1

Тотенхем-Фулам 3-1

Ливерпул-Манчестер Сити 4-1