Италија
Сапонара со маестрален лоб ја откажа Рома и ја испрати Специја во куп четвртфиналето (Видео)
Рома се врати од два гола негатива, но не издржа со два играча помалку во продолжението и го загуби дуелот со Специја од осминафиналето на италијанскиот куп (2:4).
Специја поведе рано, уште во 6. минута, кога Галабинов реализираше од белата точка и ги најави проблемите за Рома на оваа средба на „Олимпико“.
Само девет минути подоцна, Сапонара го зголеми водството на гостите, но тоа не беше доволно за Специја да го добие натпреварот во регуларните деведесет минути.
Рома доби пенал пред крајот на полувремето, кој во гол го претвори Пелегрини, додека израмнувањето го донесе Мхитарјан во 73. минута. Во завршницата најпрвин Мајорал промаши зицер за домаќините, а потоа и Специја имаше голема шанса, но Пау Лопез не дозволи трет гол во неговата мрежа.
Само што започна продолжението, дојдоа уште поголеми проблеми за „волчицата“. Најпрвин Манчини доби втор жолт картон и исклучување, а само една минута подоцна, голманот Лопез реагираше несмасно надвор од шеснаесетникот и тој беше испратен во соблекувална.
Со двајца фудбалери повеќе Специја успеа да поведе во 107. минута преку Верде, а точка на натпреварот стави Сапонара, кој со маестрален лоб успеа да ги постави конечните 2:4 и да ја испрати Специја во четвртфиналето на италијанскиот куп, каде противник ќе биде Наполи.
Saponara with a lovelyyy chippic.twitter.com/i7zWuPgdHm
— Karim (@Futball_Karim) January 19, 2021
-
Македонијапред 3 часа
Давидовски на Валелунга ја започнува седмата сезона во ТЦР Европа
-
Шпанијапред 23 часа
Араухо: Подобро да не кажувам што мислам за изјавата на Гундоган!
-
Лига на шампионипред 22 часа
Херојот на Баерн се пофали со пласманот во полуфинале, Крос го истрола пред двете пресметки со Реал (Фото)
-
Лига на шампионипред 9 часа
Касемиро призна дека страдал гледајќи го четвртфиналето на „Итихад“: Реал има среќна ѕвезда!
-
Лига на шампионипред 18 часа
Подвижниот екран го стресе Карагер, Анри се згази од смеење (Видео)
-
Конференциска лигапред 18 часа
Мартинез доби два жолти картони, но не беше исклучен поради правило кое малкумина го знаат (Видео)
-
Лига на шампионипред 17 часа
Лунин доби директна сугестија од свој соиграч за страната на која ќе шутира Ковачиќ (Видео)
-
Лига на шампионипред 19 часа
Како Кун го проследи пенал рулетот на „Итихад“: Агуеро го пцуеше јунакот на Реал (Видео)