Сане целосно откачи на пријателски меч и нокаутираше играч на Австрија, Германија претрпе нов пораз (Видео)

Германија претрпе пораз од Турција на домашен терен во Берлин и повторно загрижи со сликата која ја остави на теренот, но по првиот пораз во ерата на Јулијан Нагелсман, вечерва пристигна и вториот.

„Панцирите“ се далеку од селекцијата која порано сееше страв и немир кај противниците, па така денеска Австрија како домаќин оствари сигурна победа со резултат 2:0 на тест средбата во Виена.

Иако се работеше за пријателски меч, дел од актерите на теренот не го сфатија значењето на тој начин, а убедливо најбесен беше Лерој Сане кој беше испратен и предвреме на туширање.

Марсел Сабицер им го зададе првиот удар на Германците и ја доведе Австрија во водство од 1:0, а при овој резултат, Сане комплетно се исклучи и го нокаутираше противникот со удар во врат.

Ѕвездата на Баерн зададе удар со двете раце и го патосираше Мвене, па со 10 играчи на теренот, Германија до крајот прими и втор гол за конечни 2:0 (Баумгартнер).