Санчо со емотивна порака и видео се заблагодари за незаборавната сцена на „Олд Трафорд“

Џејдон Санчо мина низ најтежок период во кариерата во изминатите три и пол месеци, бидејќи повредата која го мачеше предизвика и психолошки проблеми кај фудбалерот кој побара помош и од специјалисти.

Крилниот фудбалер на Јунајтед го прескокна Светското првенство во Катар, но додека сите очекуваа да биде свеж за рестартот на сезоната, тој доби доволно време од Ерик Тен Хаг за комплетно да се рехабилитира и да си ги среди мислите.

Санчо тренираше одвоено од првиот тим долго време и не беше дел од протоколот на официјалните натпревари, се до средбата против Нотингем Форест во Купот.

Џејдон доби шанса во вториот дел и доби огромна поддршка од трибините на „Олд Трафорд“, а емоциите кои ги доживееја и насмевката на лицето направија да испрати емотивна порака на социјалните мрежи.

– Уау! Само сакам да кажам огромна благодарност до сите за поддршката што ја добив во изминатите неколку седмици, особено до навивачите. Мојот фокус е да дадам се од себе за мојот тим и клубот, многу сум среќен што се враќам на теренот, се гледаме наскоро, – порача Џејдон.

Wow! Just want to say a massive thank you to everyone for the support i’ve received over the past few weeks especially to the fans. My focus is to give my all to my team and the club, I’m so happy to be back out on the pitch, see you soon.🤞🏼❤️ pic.twitter.com/C0fY0tGPqO

— Jadon Sancho (@Sanchooo10) February 3, 2023