Санчо импресиониран од главната ѕвезда на Челси: Воопшто не сум изненаден

Кол Палмер вчера испиша историја и стана првиот играч кој постигнал четири голови во едно прво полувреме во Премиер лигата, учинок со кој успеа да ги воодушеви и своите соиграчи кои го гледаат секој ден на тренинзите.

Челси фати залет и оствари четири победи на последните пет меча во Премиер лигата, но менаџерот Енцо Мареска може да биде задоволен од играта, но и влијанието кое го имаат новите засилување.

Палмер вчера покажа дека е класа за себе во овој тим на Челси кој победи со 4:2 против Лестер, а Џејдон Санчо порача дека му претставува посебна чест да им асистира на играчи со таков квалитет.

– Кога имате во тимот играч како Палмер, тогаш се може да се случи на теренот. Го знам Кол многу долго, уште од времето кога бевме заедно во младинската школа на Манчестер Сити. Се знаеше дека ќе биде голем играч, а сега тоа го покажува во Челси.

– Го гледаме за што е способен на секој тренинг, го гледаме квалитетот и искрено, воопшто не сум изненаден што постигна четири гола. Можеше да постигне пет или шест, знам дека ќе биде лут што не го подобри гол рекордот. Навистина е чест да се има таков играч на кој може да му асистирате за голови, – изјави Санчо по својот прв старт на „Стемфорд Бриџ“.