Сан Марино собори неколку рекорди и обезбеди промоција во Ц сегментот на Лигата на нации

Фудбалската репрезентација на Сан Марино го постигна најголемиот успех во својата историја, победувајќи на вчерашното гостување кај Лихтенштајн во Лигата на нации.

Сан Марино првпат во својата историја постигна повеќе од еден гол на еден натпревар и првпат обезбеди победа на гостински терен, па со втората победа против истата селекција го обезбеди првото место во својата група.

Репрезентацијата која се наоѓа на 211. место на ФИФА ранкингот има 199 порази на 211 натпревари, а на седум натпревари има примено 10 или повеќе голови.

Италијанскиот стручњак Роберто Чеволи успеа да донесе две победи на последните десет натпревари, двете против Лихтенштајн, па Сан Марино во следното издание на Лигата на нации ќе игра во Ц сегментот, односно во третото ниво по квалитет во Европа.

Втората репрезентација која обезбеди пласман во Ц сегментот е Молдавија.