Сан Антонио погоди тројка за победа, судиите ја поништија и ги израдуваа фановите на Шарлот (Видео)

Сан Антонио загуби во драматична завршница на гостувањето кај Шарлот, а тројката за победа на Де’Арон Фокс беше поништена поради задоцнето исфрлување на топката од страна на новата ѕвезда на Спарс.

Бриџис погоди за Шарлот на две секунди до крајот и го врати својот тим во водство, додека во последниот напад противникот погоди со звукот на сирената, но судиите утврдија дека Фокс сепак задоцнил со шутот и поените не важеа, потврдувајќи ја победата на Хорнетс.

HORNETS BEAT SPURS IN WILD ENDING 🤯

BRIDGES HITS CLUTCH TRIPLE, FOX’S GAME-WINNER DIDN’T COUNT 😱 pic.twitter.com/zJ4k1H1HbQ

— Bleacher Report (@BleacherReport) February 8, 2025

Касл од Сан Антонио беше најефикасен на мечот со 33 поени, додека Фокс уфрли 22 поени. Во редовите на победничката екипа, Бриџис го заврши дуелот со 25 поени.

Драма имаше и на дуелот меѓу Феникс и Јута, на кој домаќините извлекоа продолжение со тројката на Грејсон Ален, а потоа издоминираа во дополнителните пет минути.

GRAYSON ALLEN FORCES OT FOR THE SUNS 🤯

BEAT THE BUZZER WITH 0.9 LEFT ON THE CLOCK 🔥 pic.twitter.com/si8jLnQVJd

— Bleacher Report (@BleacherReport) February 8, 2025

Букер се истакна на овој дуел со дури 47 поени и 11 асистенции.

Шарлот – Сан Антонио 117:116
Вашингтон – Кливленд 124:134
Атланта – Милвоки 115:110
Бруклин – Мајами 102:86
Детроит – Филаделфија 125:112
Оклахома – Торонто 121:109
Феникс – Јута 135:127 (п)