Само два тренерски предизвици се интересни за Зидан

Француската фудбалска легенда, Зинедин Зидан тргна амбициозно како тренер и преку вториот тим на Реал Мадрид стигна до првата екипа каде имаше одлични резултати во двата мандати од 2016 до 2018 и 2019 до 2021 година.

Меѓутоа веќе неколку години Зидан е без ангажман иако неговото име се поврзуваше со повеќе клубови, позиции во Пари Сен Жермен, Баерн Минхен, Јувентус, Манчестер Јунајтед…но ниту една од тие споменати опции не се оствари.

Зизу и понатаму останува на страна, слободен агент, а според „Марка“ на големата сцена може да се врати само за две работи.

Шпанскиот медиум пренесува дека Французинот би прифатил понуда од Реал Мадрид или пак да биде селектор на француската репрезентација. Зидан низ годините постојано се споменува како можен наследник на Дидие Дешамп, но неговиор некогаш колега од славните денови на националниот тим едноставно ја чува позицијата со добрите резултати и засега не размислува за заминување.