Само 6 милиони евра го делат Њукасл од најголемиот трансфер во Премиер лигата ова лето

„Ќе им треба понуда во рангот на суперѕвездите“, изјави неодамна првиот човек на Кристал Палас, Стив Периш, коментирајќи го интересот на Њукасл за нивниот стопер Марк Гуехи

И тој беше во право. Неговиот клуб доби токму таква понуда и се чини дека на повидок е еден од најголемите трансфери ова лето во Премиер лигата.

Последните информации од Островите се дека Њукасл понудил фиксни 60.000.000 фунти плус 5.000.000 фунти бонуси за стоперот на Англија. Во превод тоа се вкупно 76.000.000 евра!

Првичната преговарачка позиција на Кристал Палас изнесуваше 70.000.000 фунти, што е околу 82.000.000 евра. Затоа, има мала разлика меѓу позициите на двете страни. Њукасл навистина е загреан, па сега потребен е малку компромис од страна на Палас во корекција на цената за да се случи трансферот.

Проблем може да биде трансферот на уште еден стопер на Палас. Јоаким Андерсон денеска беше на лекарски прегледи во Фулам и е пред трансфер вреден 35.000.000 евра. Прашање е дали клубот од Селхарст Парк може да ги продаде и двајцата стопери.

Но она што го нуди Њукасл се огромни пари. Тоа би бил најголемиот трансфер во Премиер лигата ова лето. Да потсетиме, најскапиот трансфер на Островот во овој трансфер период е трансферот на Доминик Соланки во Тотенхем за 64.000.000 евра и бонуси. Од друга страна гледано на Палас не му недостигаат пари бидејќи летово го продаде и Мајкл Олис на Баерн за околу 60.000.000.