Самарџиев за поразот од Сутјеска: Се виде дека паднавме…

Работнички не се прослави во првиот меч во АБА2 лигата каде претрпе пораз од Сутјеска од 71:58.

На крајот центарци можат и да бидат задоволни од конечниот резултат со оглед на тоа што по 30 минути губеа и со 25 разлика (61:36), меѓутоа повеќе од јасно е дека ќе мора да се крене нивото на игра, ангажираност ако се сака да се дојде до подобри резултати во оваа конкуренција.

-Сутјеска заслужено победи, ние не бевме на висината на задачата. Одигравме една добра четвртина, но тоа е недоволно за да му парираш на овој искусен тим на Сутјеска. Се виде дека паднавме по излегувањето на Јовичиќ, во тој момент нашиот плејмејкер не одговори соодветно. Ни направија разлика и беше тешко да се вратиме.

-Се враќавме само во одредени секвенци со по два до четири поена. Се виде дека момците во последна четвртина, кога видоа дека напреварот е изгубен, како да се опуштија и почнаа да играат. Се гледа дека немаме големо искуство, се гледа дека сме млада екипа и пред се физички инфериорни во однос на гостинската екипа што прави разлика во АБА лигата. Ќе гледаме да се подобриме во следните натпревари и да го извлечеме поука од овој пораз, -истакна тренерот Горан Самарџиев.

Во второто коло поранешниот македонски шампион ќе се соочи со Војводина од Нови Сад.