Самарџиев со пораз ја започна својата приказна со Работнички

Горан Самарџиев имаше неуспешно деби на клупата на најтрофејниот македонски кошаркарски колектив Работнички кој вечерва беше поразен од Еуро Никел со 74:70.

Средбата во СРЦ „Кале“ беше возбудлива, гостите постојано беа чекор два пред центарци кои пак не се откажуваа, се бореа до самиот крај, но тоа не се покажа како доволно за позитивен резултат на крајот. Ова за клубот од Кавадарци беше четврто славје во шестиот меч во Првата лига, а во истото се истакна Дубински со 23 поени, 4 скока и 5 асистенции.

Врањеш и Мексвејн пак додадоа по 13 кошеви. Кај поразените Трис даде 17, Ефремовски 15.поени, премалку да се прекине серијата на неуспешни игри.

Во првиот денешен меч, Вардар беше подобар од ФМП Академија со 102:91.