Салах: Златната топка? Фокусиран сум само на една работа

Ливерпул игра навистина импресивно во досегашниот дел на оваа сезона, а за тоа најголем „виновник“ дефинитивно е Мохамед Салах.

Напаѓачот од Египет е во страшна форма, има неверојатен учинок, страшен придонес од дури 37 погодоци на 26 мечеви во сите конкуренции или поточно има постигнато 20 голови и забележано 17 асистенции.

Овие бројки се навистина импресивни и ако продолжи во овој ритам јасно е дека ќе биде меѓу фаворитите за освојување на најважното индивидуално признание во светот на фудбалот „Златната топка3, но Мо во моментов не размислува на таа тема и е фокусиран само на една работа.

-Единственото нешто во мојот ум, да бидам фер, сакам Ливерпул да ја освои лигата и јас само сакам да бидам дел од тоа. Тоа е единственото нешто на кое навистина сум фокусиран од почетокот на сезоната. Ќе дадам се од себе за тимот да освојува трофеи. Ние сме во вистинската насока, но се разбира, има неколку други тимови кои навистина се обидуваат да ни стигнат и тие се многу добри тимови. Треба само да останеме фокусирани и скромни, да работиме напорно и само да одиме повторно, -порача Салах на кого не му е проблем ниту тоа што веќе влезе и во завршницата на актуелнито договор со клубот.