Салах сакал да го напушти Ливерпул поради Клоп

Мохамед Салах ја игра последната сезона од актуелниот договор со Ливерпул и останува неизвесно дали ќе остане на „Енфил“, што истовремено ги подгрева и шпелулациите дека ќе прифати богата понуда од Саудиска Арабија.

Хрватскиот стручњак Славен Билиќ, кој минатата година работеше во клуб од Саудиска Арабија, во својата последна изјава открива како дошло до ситуација Салах да ги активира клубовите од богатата азиска земја, по што тие решиле дека нема да штедат пари за да го направат прва ѕвезда на своето првенство.

– Салах е најдобриот напаѓач, најдоброто крило и најдобрата десетка во Премиер лигата.

– Тој не беше задоволен од соработката со Јирген Клоп и во Саудиска Арабија се очекуваше дека сигурно ќе си замине, но доаѓањето на Арне Слот на местото на Клоп ги промени работите.

– Цела Саудиска Арабија беше подготвена за Салах, тој ќе станеше прва ѕвезда во лигата, очекував дека ќе стане нов член на Ал Итихад. Јас не сум изненаден што остана во Англија, тој знае дека може да дојде во Саудиска Арабија кога ќе го напушти Ливерпул, договорот кој ќе му биде понуден нема да биде едногодишен проект, – изјавил Билиќ.