Салах пред двата клучни натпревари во сезоната: Кога зборував за Реал…

Пред Ливерпул се уште два натпревари во оваа сезона, натпревари кои се завршни, клучни и во истите можат да дојдат до уште два пехари Премиер лигата и Лигата на шампионите.

Првата задача е во домашниот шампионат каде „црвените“ мораа да слават над Вулверхемптон и притоа да чекаат кикс на Манчестер Сити против Астон Вила на „Итихад“.

-Сакам Сити да загуби или ремизира за да ја освоиме титулата. Разговараме меѓу себе во тимот и сите сме возбудени. Оваа ситуација се случи пред две години и станаа шампиони. Сите сме оптимисти. Мора да победиме, а потоа да почекаме, -истакна Мохамед Салах.

Напаѓачот воедно говореше и за финалето во ЛШ против Реал Мадрид, односно неговата изјава дека ги сака „кралевите“ за таа завршна битка во Париз.

-Кога реков дека би сакал да играм со Реал Мадрид во финалето, некој тоа го протолкува како да сум кажал нешто лошо за нив. Зборувам за најсилниот тим во историјата на Лигата на шампионите и тоа го велам поради она што се случуваше претходно. Натпреварот ќе биде тежок, но нашиот тим ги победи речиси сите силни тимови. Многу сум возбуден поради финалето и се надевам дека ќе успееме да победиме, -порача африканецот.