Салах по триумфот на „Олд Трафорд“: Ова ми е последна година во Ливерпул

Ливерпул ги освои бодовите против Манчестер Јунајтед и тоа со убедлива победа на гостувањето на „Олд Трафорд“, а Мохамед Салах уште еднаш покажа дека и натаму е еден од најдобрите фудбалери во светот на својата позиција.

Египетскиот репрезентативец постигна еден гол и забележа две асистенции во првото полувреме, а по натпреварот индиректно најави дека веројатно ова му е последна сезона во дресот на Ливерпул.

– Ова е одличен резултат, сите знаеме колку е важно ова дерби за фановите.

– Бев изненаден затоа што победивме полесно од очекувањата, можевме да постигнеме пет-шест гола.

– Да бидам искрен, дојдов овде знаејќи дека можеби ми е последен натпревар на овој стадион, никој во клубот не зборувал со мене за нов договор. Ова ми е последна година во клубот и сакам да уживам, – рекол Салах.