Салах откри до каде се преговорите со Ливерпул за новиот договор: Не сакам…

Мохамед Салах игра во извонредна форма во актуелнава сезона и е најзаслужен што Ливерпул блеска во Премиер лигата каде е прв стрелец и најдобар асистент (17+13), а квалитетен учинок има и во Лигата на шампионите каде „црвените“ играат без грешка во досегашниот тек на кампањата.

Овие изданија на африканецот доаѓаат во ситуација кога е во последната година од договорот, последните месеци, односно веќе од јануари е во позиција да преговара со сите клубови кои го посакуваат и може да потпише преддоговор со нив.

Ливерпул засега не успеава да пронајде заеднички јазик со играчот за продолжување на соработката, поточно двете страни по се изгледа имаат доста различни ставови, барање и понуда што може да се заклучи по последната изјава на Салах.

-Не, далеку сме од тоа. Не сакам да ставам нешто во медиумите и луѓето да почнат да кажуваат работи, но ништо не е придвижено, ама засега сум фокусиран на тимот и се надевам дека ќе ја освоиме Премиер лигата, -порача Мо.

Лидерот во Премиер лигата има уште двајца клучи играчи чии договори им завршуваат на 30 јуни-Вирџил Ван Дајк и Трент Александер Арнолд.