Салах обелодени од каде добил инспирација за новата специфична прослава (Видео)

Мо Салах е ударна игла во нападот на Ливерпул и во ерата на Арне Слот, а Египќанецот веќе двапати се запиша во листата на стрелците во воведните две рунди.

Салах стрелаше и против Ипсвич и против Брентфорд и на посакуван начин ја стартуваше авантурата под водство на новиот менаџер, но интересно главниот напаѓач на Ливерпул на почетокот на сезоната презентираше и нова прослава.

Египќанецот го привлече вниманието со своите потези, па сега на јавноста самиот и откри дека ја копирал прославата на Израел Адесања, големата УФЦ ѕвезда.

– Гледав УФЦ борба меѓу Адесања и Переира, тоа беше втората борба која му припадна на Адесања. Тој ја прослави победата на таков начин, откако претходно загуби на првата борба.

– Ми се допадна прославата и затоа решив да ја активирам. Јас сум голем УФЦ фан, но слична симболика има и за египетските фараони кои цртаат нешто на храмовите или на пирамидите, – откри Салах.

The inspiration behind Mo's new celebration 🏹 pic.twitter.com/7hfO5xOgAn

— Liverpool FC (@LFC) August 31, 2024