Салах: Имаме само една цел, Ливерпул…

Ливерпул го искористи киксот на Манчестер Сити и се искачи на првото место во англиската Премиер лигата.

Клубот од „Енфилд Роуд“ се мачеше со Брајтон, но дојде до посакуваната цел со два брзи гола во вториот дел за пресврт и славје од 2-1, славје кое му го донесе врвот на табелата со оглед на тоа што актуелниот првак Сити загуби од Борнмут со 2-1.

Голот за три бода беше мајсторија на Мохамед Салах кој ги искористи социјалните мрежи и испрати јасна порака.

-Врвот на табелата е местото каде што припаѓа овој клуб. Ништо помалку. Сите тимови добиваат натпревари, но на крајот има само еден шампион. Тоа е она што го сакаме. Ви благодариме за поддршката. Што и да се случи, никогаш нема да заборавам какво е чувството да се постигнува гол на „Енфилд“, -порача Мо.

„Црвените“ до репрезентативната пауза имаат дуели со Баер Леверкузен и Астон Вила.

Top of the table is where this club belongs. Nothing less. All teams win matches but there’s only 1 champion in the end. That’s what we want. Thank you for your support last night. No matter what happens, I will never forget what scoring at Anfield feels like. pic.twitter.com/c2rVHQxjK8

— Mohamed Salah (@MoSalah) November 3, 2024