Салах делеше асистенции, Ливерпул со пресврт до трите бода против „волците“ (ВИДЕО)

Фудбалерите на Ливерпул ја продолжија серијата на добри резултати во Премиер лигата каде попладнево го решија составот на Вулверхемптон со 3-1.

Ова за „црвените“ беше четврти триумф во низа, а до истиот дојдоа со пресврт во второто полувреме. „Волците“ имаа добар старт кој го крунисаа со голот на Хванг во 7 минута.

Немаше други промени до крајот на првиот дел, па на паузата Клоп се реши да направи една промена и го внесе Дијаз на местото на МекАлистер. „Црвените“ се размрдаа и во 55 минута дојдоа до 1-1 преку Гакпо, момент кој им донесе дополнителна енергија, самодоверба во продолжението.

Овој резултат беше активен до самиот финиш кога Робертсон и Буено (автогол) погодија за фаворитот за нови три бода.

Со 13 поени четата на Клоп е на првото место на табелата.