Саки шокираше со својата последна изјава: Размислувам да направам кам-бек како тренер!

Ариго Саки често дава експертски коментари во јавноста за актуелностите во италијанскиот фудбал, но сега 78-годишниот фудбалски работник ги изненади сите со последната изјава која ја даде во јавноста.

Славниот и неповторлив тренер на Милан последно беше активен на клупата во 2001-ва година која ја водеше Парма, но после цели 24 години, сега призна дека размислува на кам-бек во доцната фаза од животот.

Саки во интервјуто за „Аднкронос“ открива дека има неколку понуди на маса од различни земји, а истите направила да се замисли околу враќањето во тренерските води.

– Размислувам да се вратам во тренерските води, имам многу понуди на маса и размислувам на тоа. Не знам дали тоа ќе биде во Италија.

– Ме бараат да одам во Бразил, Аргентина и Шпанија. Има интерес и од Италија, но не знам дали би работел тука. Многу ми се допаѓа нашата земја, но имам една мана. Секогаш ги кажувам работите отворено, а тоа знае да ми донесе проблеми во Италија, – потенцира Саки.