Саки посочи четири причини зошто Аталанта може да го освои Скудетото

Аталанта има добра сезона во Серија А и со 54 бода го зазема третото место на табелата веднаш зад актуелниот шампион Интер и Наполи.

Клубот од Бергамо во последната рунда го уништи Емполи со 5-0, резултат кој е изненадувачки ако се погледне целата ситуација, болната елиминација од Клуб Бриж во Лигата на шампионите, проблемот на релација Лукман-Гасперини.

Меѓутоа Ла Деа знае да биде многу опасна, па легендарниот Ариго Саки верува дека овој тим може да дојде и до Скудетото особено кога сега тимот е елиминиран од ЛШ и Копа Италија.

-Тимот на Гасперини е надвор од Купот на Италија и Лигата на шампионите. Сега тие ќе ја вложат целата своја енергија за да ја освојат титулата, убеден сум во тоа. Победата во Емполи покажува дека средината е здрава, дека е апсорбирано разочарувањето од елиминацијата од Лигата на шампионите и дека се надминати малите несогласувања кои секогаш постојат во секој тим. Верувам дека Аталанта ќе се бори за Скудетото до самиот крај, -истакна Саки кој посочи четири причини зошто Аталанта може да стане шампион.

-Во Бергамо има солиден клуб со компетентни раководители кои знаат како да ја заштитат околината и да го поддржат тренерот и играчите. Ова е првата причина зошто Аталанта е модел за клуб. Втората причина е тоа што тренерот е вешт и ги избира играчите со кои сака да соработува. Трета причина; во Бергамо има сигурни луѓе кои не ве изневеруваат кога ви требаат најмногу. Четвртата причина, но секако не и најмалку важно е стилот на игра.

-Аталанта е компактен тим кој хармонично се движи на теренот. Напаѓаат со единаесет и се бранат со единаесет. Ми се допаѓа овој стил и ми се допаѓа Гасперини, вистински мајстор, продолжува со својата извонредна работа во Бергамо. Аталанта е пример за цела Европа. Аталанта заостанува три бода зад лидерот во лигата Интер, што секако не е непремостлива разлика. Значи, верувам дека се е можно. В сабота е големиот натпревар во Неапол, а Аталанта на домашен терен ќе игра против Венеција. Бергамаски може да го направи поради неколку причини, -истакна Ариго за „Газета Дело Спорт“.