Сака промаши пенал, Арсенал остана без „целиот плен“ во градското дерби (ВИДЕО)

Фудбалерите на Арсенал не успеаа да го остварат посакуваниот резултат на денешната пресметка против Вест Хем во Премиер лигата.

Лидерот во шампионатот имаше пеколен старт и по 10 минути дојде до убедливо водство од 2-0 со головите на Жезус и Одегард. Меѓутоа потоа дојдоа проблемите за гостите кои направија пенал во 33 минута кој го искористи Бенрахма.

Со овој резултат од 2-1 се замина на одмор, а по паузата „топчиите“ добија можност преку удар од 11 метри повторно да избегаат на два разлика. Одговорноста ја презема Сака, ама тој ја промаши рамката од голот на Фабијански.

🚨Saka misses a penalty pic.twitter.com/YKmUCZcAPK

— EuroGoals (@EuroGoals13) April 16, 2023

Во 55 минута стигна казната, Боувен ја искористи топката од Керер и донесе радост за Вест Хем за 2-2. До крајот „чеканите“ имаа и пречка преку Антонио, но немаше друга промена на резултатот.

Арсенал со 74 бода останува на првата позиција со плус четири од Манчестер Сити кој има и натпревар за доигрување. Вест Хем со 31 поен е на 15. место на прволигашката табела.