Сака испрати порака од болничкиот кревет по извршената операција (Фото)

Арсенал скапо ја плати убедливата победа против Кристал Палас остварена со резултат 5:1, од едноставна причина што „топчиите“ по вторпат оваа сезона останаа без клучен фудбалер во првиот тим.

По непријатната повреда која ја имаше капитенот Мартин Одеград, сега уште посериозна повреда заработи Букајо Сака, па поради тоа англиското крило мораше да направи и операција за да го санира проблемот на задната ложа.

Микел Артета вчеравечер откри дека Букајо ќе паузира во најмала рака два месеци, а бидејќи тоа лесно може да се одолговлечи поради заздравувањето на мускулот, тоа може да биде сериозен удар за шампионските амбиции на Арсенал.

„Топчиите“ ќе мора да пронајдат начин да го неутрализираа отсуството на својот фантастичен фудбалер, кој денеска испрати и охрабрувачка порака од болничкиот кревет до фановите на Арсенал.

– Мнозинството гледа пречки, но малкумина гледаат можности. Закрепнувањето започна и ќе се вратам на теренот посилен! Ви благодарам на сите за пораките…. Ова е планови на Бога…., – порача Сака.

View this post on Instagram

A post shared by Bukayo Saka (@bukayosaka87)