Сајмонс го шокираше Денвер со звукот на сирената, Јокиќ добива доста критики за дефанзивната реакција (Видео)

Никола Јокиќ повторно има МВП бројки од стартот на сезоната и одново е главен фаворит да биде прогласен за најдобар играч во НБА лигата, но во последно време Србинот се соочува со се почести критики за играта во одбрана.

Ваквите прозивки станаа уште поинтензивни ова утро поради лошата реакција која ја имаше Јокиќ во последниот напад на Портланд, акција која се покажа како пресудна за прв пораз на Денвер по серијата од три победи.

Нагетси се вратија од голема негатива (минус 17) која ја имаа на стартот на последната четвртина, па иако дојдоа во ситуација да се борат за продолжение, лошата одбрана над Анферни Сајмонс ги шокираше гостите со звукот на сирената.

Најдобриот играч на Портланд ја презема одговорноста во последниот напад и лесно се ослободи од Вестбрук, но при влезот не доби очекуван отпор од Јокиќ кој поради премлаката реакција наиде на доста критики во јавноста.

Сајмосн успеа да погоди за својот 28-ми поен на натпреварот, а истиот се покажа како клучен за тесна победа од 126:124 на неговиот тим.

Јокиќ дотогаш беше најдобар кошаркар на паркетот со 34 поени, 6 скокови и 8 асистенции, но сепак тоа падна во втор план поради лошата дефанзивна реакција на крајот.

ANFERNEE SIMONS GAME WINNER. 🔥

pic.twitter.com/cbpoQLSI0A

— Hoop Central (@TheHoopCentral) December 20, 2024

НБА резултати:

Детроит – Јута 119:126
Орландо – Оклахома 99:105
Вашингтон – Шарлот 123:114
Бостон – Чикаго 108:117
Торонто – Бруклин 94:101
Хјустон – Њу Орлеанс 133:113
Мемфис – Голден Стејт 144:93
Сан Антонио – Атланта 133:126
Далас – Л.А. Клиперс 95:118
Феникс – Индијана 111:120
Минесота – Њујорк 107:133
Портланд – Денвер 126:124
Сакраменто – Лејкерс 100:113