Саха: Јунајтед има фудбалер против кој не може да се игра, сличен е на Мбапе

Маркус Рашфорд забележа пад во својата форма минатата сезона и самиот откри дека тоа се должело на лични и приватни проблеми кои не сакаше да ги открива, а кои направиле да има пад и на психолошки план.

Играчот кој важеше за голем талент на Јунајтед полека влегува во години кога станува максимално зрел и од него се очекува да покажува добри перформанси на редовна база, а посебно големо мислење за него има Луис Саха кој реши да го спореди со свој сонародник.

– Навистина многу ми се допаѓа Рашфорд, тој треба да биде стартер за Англија. Има неверојатен талент и знае да биде голема опасност за секој тим.

– Од тоа што го видов, во помалку од 20 минути против Иран беше поопасен од сите други играчи во тимот. Го сакам Кејн, но Рашфорд е природен талент и сакам да го гледам на најдобро ниво.

– Тој е мој фаворит во англискиот тим, уживам во неговиот стил на игра. Јунајтед има играч кој има око како на тигар, не може да се игра против него кога е во таков моментум. Кога е во таква форма, сличен е на Килијан Мбапе, – смета Саха.