Саха: Фернандеш заслужува поголема почит…

Бруно Фернандеш веќе неколку години е дел од Манчестер Јунајтед, период во кој дефинитивно е најдобриот, најконстатниот играч на англискиот великан.

Познато е дека Јунајтед се соочува со проблеми, резултатите не се на реномето на клубот, па често гледаме како познати имиња ги критукуваат играчите, тренерот/тренерите кои се менуваат, газдите и управата. Меѓутоа знае и да се претера со тие критики, односно со истите сите да не се согласуваат како што е примерот на Рој Кин кој беше жесток токму кон Фернандеш, играч кој е најсветла точка.

-Може да ги разгледа опциите за заминување, со годините докажа дека игра на одреден стандард. Тој игра навистина добро и се уште е жестоко напаѓан. Секогаш застанувам во одбрана на Бруно затоа што како што кажав, се обидувам да го објаснам тоа што го гледам и мислам дека е целосно неправедно. Интересно е што Рој Кин го критикуваше. Ја разбирам и ја почитувам неговата поента бидејќи си ја знае позицијата. Тој знае што треба да направат лидерите. Тоа не е лесно кога си навивач, остро критикуваш. Но, сепак би рекол дека е сурово, бидејќи Бруно заслужува почит, а како човек правите секакви грешки.

-Мислам дека има премногу тежина на рамениците и во одреден момент може да размисли за други можности. Секогаш кога тој зборува, не гледам некој кој само сака да игра за клубот колку што може. Тој е навистина лојален. Се чини дека е многу лојален играч. Така што мислам дека најверојатно ќе остане, -вели Луис Саха.