Сабатини за играчот кој треба да го замени Осимен во Наполи: Може да даде 20 гола

Виктор Осимен треба да си замине од Наполи во овој преоден рок или такви се најавите дека калчолигашот нема да му прави проблеми на напаѓачот, ама под услов да се исполнат барањата, сумата која ја бара поранешниот италијански шампион.

Пари Сен Жермен се уште важи за прв фаворит за неговиот потпис иако тука можат да се вмешаат и клубови од Премиер лигата. Меѓутоа засега се уште останува статус кво, ама се очекуваат движења во текот на овој месец и со тоа Наполи да може да донесе соодтетна замена.

Се говори дека Ромелу Лукаку е прв пик на наполитанците и тренерот Антонио Конте, па искусниот италијански оперативец, Валтер Сабатини посочи што Белгиецот може да му донесе на некогашниот клуб на Елиф Елмас.

-Се чини дека Осимхен психиолошки е на излезна врата, бидејќи во некои моменти вашите емоции не одговараат на потребите на тимот. Виктор кој е одличен играч, носи со себе цена и плата што е невозможно да се одржат. Во секој случај, тој ќе биде соодветно заменет. Лукаку е гаранција кај Конте како што е трениран од него, тој е играч кој може да постигне 20 гола. Исто така, не би рекол дека е стар, бидејќи 31 е кога напаѓачот достигнува целосна зрелост.

-Сигурно нема да му недостасува мотивација во Наполи, со овој клуб и град, додека Конте знае како да му ја даде вистинската услуга на Ромелу, -вели некогашниот директор на Интер и Рома.