Поврзете се со нас

ВТА

Сабаленка стартуваше со победа, па поцрвене од срам од предизвикот на Докиќ (Видео)

Објавено

на

Foto:x.com/AustralianOpen

Арина Сабаленка со доминантен тенис ја започна одбраната на титулата на Аустралијан Опен, грен слем турнир кој стана омилен за Белорусинката.

Најдобрата светска тенисерка во овој момент продолжи онаму кадешто застана во изминатите две години, па така рано утрово без проблеми ја совлада Слоун Стивенс, славејќи со 2:0.

Арина немаше проблеми во остварување на целта и загуби вкупно пет гејма во двата сета (6:3 и 6:2), но ситуацијата стана доста понезгодна за неа кога доби еден предизвик од Јелена Докиќ.

Австралијката со балканско потекло стандардно е задолжена за водење интервјуа по крајот на натпреварите, а овојпат реши да и даде интересна задача на Белорусинката.

Сабаленка често знае да изведе специфичен танц со својот тим пред стартот на Аустралијан Опен, но Докиќ сега побара од неа да го изведе истиот и пред полни трибини, нешто што никогаш досега го немаше направено.

Арина поцрвене од срам и мораше да биде опуштена од својата соговорничка, а Јелена се погрижи работата да биде поеднставна за неа такашто и се приклучи во танцот.

Advertisement
Advertisement

Италија

Advertisement

Популарни