Руни за играчот кој луѓето го забораваат: Тој ни беше подеднакво важен како Роналдо

Вејн Руни е еден од асовите кој во последниве години, последниот период говори отворено и искрено на сите теми без разлика дали се актуелни или пак се однесуваат на блиско или подалечно минато.

Тој со Манчестер Јунајтед оствари многу успеси, период во кој супер значајна улога имаше и Кристијано Роналдо, но според Руни многумина забораваат на големиот работник Парк Џи-Сунг кој од 2005 до 2012 година беше на „Олд Трафорд“.

-Ако го прашате некој што има 12 години и му кажете Кристијано Роналдо, тој дефинитивно ќе каже: Да, беше одличен играч за Манчестер Јунајтед.

-Ама ако кажете Парк Џи-Сунг, тој можеби нема да знае кој е. Меѓутоа за сите нас кои игравме со Парк знаеме дека беше подеднакво важен за успесите, -порача Руни.

Парк со „црвените ѓаволи“ освои 4 титули во ПЛ, исто толку во Комјунити Шилд, три во англискиот лига куп, еден пехар во ЛШ и едно светско клупско првенство.