Руни откри дека ја одбил понудата на Евертон

Поранешниот англиски репрезентативец, Вејн Руни, потврдил дека одбил понуда за преземање на менаџерската функција во Евертон.

Раководството на клубот чиј дрес го носеше во фудбалската кариера, испратило понуда до актуелниот предводник на Дерби Каунти, но тој истата ја одбил.

– Евертон го контактирал мојот агент со идеја да ја преземам одговорноста во овој период.

– Предлогот не беше прифатен. Верувам дека еден ден ќе бидам менаџер во Премиер лигата и подготвен сум за тоа.

– Сепак, во моментов имам незавршена работа во Дерби и тоа е важно за мене, – изјавил Руни.

Привремен менаџер на Евертон е Данкан Фергусон, а најсериозни кандидати за преземање на функцијата се Френк Лампард и Витор Переира.