Руни ангажираше премиерлигашка ѕвезда во Ди-Си Јунајтед

Вејн Руни ја презема менаџерската функција во Ди-Си Јунајтед, а сега се обидува да повлече и потези со кои ќе зголеми квалитетот кај МЛС екипата.

Денеска, американскиот клуб постигна договор за ангажман на Кристијан Бентеке, повремен белгиски репрезентативец и член на неколку премиерлигашки екипи.

31-годишниот Бентеке ќе биде засилување за нападот на Ди-Си Јунајтед, а потпишал договор до 2024 година, со опција за продолжување на уште една сезона.

Бентеке зад себе има дури десет сезони во Премиер лигата, а настапуваше за Астон Вила, Ливерпул и Кристал Палас, клубот со кој имаше уште една година од досегашниот договор.

Белгиецот постигна 86 гола во Премиер лигата, а најголем успех му беше трансферот во Ливерпул во 2015 година.

Руни претходно во Ди-Си Јунајтед го доведе и Равел Морисон со кој соработуваше во Дерби Каунти.

Benteke on the way 🛫 #VamosUnited || @chrisbenteke 🤳 pic.twitter.com/XcP9rqHi2h

— D.C. United (@dcunited) August 5, 2022