Румениге се огласи за иднината на Перишиќ во Баерн: Ќе видиме…

Извршниот директор на германскиот шампион Баерн Минхен, Карл-Хајнг Румениге даде информација околу тоа како во моментов стојат работите со Иван Перишиќ и дали тој ќе остане во сегашната средина.

Тој оваа сезона е дел од Баерн како позајмен играч од Интер, па за него имаше различни информации во јавноста, прво беше дека баварците нема да ја активираат откупната клаузула, потоа дека тоа ќе го направат, а вистината е дека се уште нема одлука.

-Немаме зборувано за тоа. Перешиќ неодамна се врати по повредата на стапалото. Ама имам пријателски однос со Марота, па ајде да видиме како ќе игра на следните мечеви, па ќе зборуваме.

-Дури и Иван сака да знае како ќе игра. Се уште не е одлучено, -истакна Румениге.