Поврзете се со нас

Свет

Руди Гарсија му ја отвора вратата на Куртоа за враќање во репрезентацијата

Објавено

на

Foto:twitter.com/sscnapoli

Руди Гарсија својот последен тренерски ангажман го имаше во Наполи, а после серија невпечатливи епизоди на клупски план, Французинот реши да се префрли во селекторските води.

Искусниот фудбалски стручњак си подаде рака со водечките луѓе на белгискиот фудбалски сојуз и во иднина ќе биде селектор на „црвените ѓаволи“, откако претходно раководството му врачи отказ на Доменико Тедеско.

Покрај лошите изданија, Тедеско успеа да се раскара со Тибо Куртоа и направи ѕвездата на Реал Мадрид да се оддалечи од репрезентацијата, па токму поради тоа, сега една од првите мисии на Гарсија ќе биде да го врати извонредниот голман на голот на Белгија.

– Заедно со спортскиот директор разговаравме навистина многу долго за голманското прашање. Имаме многу квалитет на голот, но кога го имате најдобриот во светот, би било убаво да се врати на голот на Белгија.

– Првичните знаци се позитивни и јасно е дека Тибо ќе има шанса да се искаже. Сметаме на него, нашата врата е отворена за него, ќе видиме што ќе ни донесе иднината, – изјави Гарсија.

Advertisement
Advertisement

Италија

Advertisement

Популарни