Руд освои нереален поен и го прозва Мари, Британецот одговори со уникатен коментар (Видео)

Каспер Руд имаше сериозен предизвик во второто коло на Ју-Ес Опен и ги одмери силите со Гаел Монфис, но Норвежанецот пронајде против игра за искусниот Французин и славеше по четири одиграни сета.

Руд најдобрите партии на тврда подлога секогаш ги чува за последниот тениски грен слем во годината, па ако се суди по поенот кој го освои рано утрово, така ќе биде и оваа година.

Растрчаниот Каспер се бореше за секоја топка во еден поен и трчаше од страна на страна зад основната линија, за на крајот да дочека шанса да одговори со форхенд винер.

Нереалниот поен на Норвежанецот ги фрли во неверица сите присутни на трибините во Њујорк, а самиот Руд се погрижи во целата оваа ситуација да биде вклучен и легендарниот Енди Мари кој беше препознатлив по освојување на слични поени.

– Поен со кој му се изразува почест на Енди Мари. Недостасуваш тука!, – порача Руд, по што Енди одговори во свој стил.

– Уживам да го гледам ова. Каков поен! Сепак, имам и предупредување за тебе….. Продолжи да играш вака уште неколку години и ќе завршиш со метални колкови како мене, – возврати Енди.

A tribute point to @andy_murray , you’re missed over here!😉🏃‍♂️🏃‍♂️‍➡️ https://t.co/bLP22thxIq

— Casper Ruud (@CasperRuud98) August 29, 2024

Love to see it 😄😄 what a point!❤️
Word of warning though….Keep doing that for a few more years and you’ll end up with hips like me too! 🦿🦾 https://t.co/X7aGgkoFA6

— Andy Murray (@andy_murray) August 29, 2024