Руд е последен патник во полуфиналето на завршниот Мастерс

Каспер Руд требаше да освои само сет за да го осигура својот настап во полуфиналето, но иако го направи тоа уште во првата фаза од мечот со Андреј Рубљов, Норвежанецот најде доволно мотиви за да оствари и победа.

Рубљов првпат понуди поголема битка на турнирот во Торино и го освои првиот сет за израмнување на 1:1, но сепак тоа беше се што направи на денешниот завршен меч од групната фаза.

Руд повторно влезе во поголема брзина и го доби третиот сет со 6:2, на тој начин заверувајќи го својот пласман меѓу четирите најдобри.

Каспер во полуфиналето ќе има најтежок можен испит и ќе игра против домашниот миленик Јаник Синер, кој на патот до полуфиналето нанижа три победи.

Во второто полуфинале кое се игра утре, силите ќе ги одмерат Александер Зверев и Тејлор Фриц.