Рубљов целосно се „исклучи“ во финалето и жестоко го нападна фотографот: Зошто го правиш ова….. (Видео)

Андреј Рубљов беше видно разочаран по болниот пораз кој го доживеа во драматичното финале во Шангај, но завршната казна која самиот си ја зададе не беше единствениот бесен излив на емоции во завршницата.

Русинот се казни и се удри неколкупати со рекетот по последниот поен во тајбрејкот, но претходно лудуваше и беше бесен на еден од фоторепортерите.

Во 10-от гејм од третиот сет, Рубљов првпат беше соочен со меч топка за противникот, а пред да дојде до тоа, загуби поен кој му ги препиша на еден од фоторепортерите.

– Зошто го правиш ова, зошто се движиш за време на поенот…. Зоштоооо, – гласно и бесно викаше Рубљов, кој доби и опомена од главниот судија поради агресивниот пристап.

Рубљов го доби следниот поен и успеа да ја одбрани првата меч топка, но потоа загуби во тајбрејкот со 10:8 и мораше да му подаде рака на Хуркач.

Andrey Rublev'in sinirlerine hakim olamayıp fotoğrafçılara bağırdığı anlar👇 pic.twitter.com/dx6SI5RB1a

— Tivibu Spor (@tivibuspor) October 15, 2023