Поврзете се со нас

Франција

Ротен со жестоки критики за Галтие: Престани да зборуваш

Објавено

на

Кристоф Галтие е под голем притисок бидејќи ПСЖ сезонава остана во борба за трофејот само во домашното првенство, а тоа е далеку под очекувањата на амбициозното раководство.

Последниот пораз од Рен на домашен терен дополнително ги испровоцира фановите и стручните коментатори, а жесток напад стигна од Жером Ротен.

Поранешниот играч на ПСЖ смета дека Галтие непотребно пронаоѓа алиби за поразите, посебно кога на располагање има квалитетни играчи.

– Галтие реши да ја префрли одговорноста на младите фудбалери, но поразот не е нивна вина.

– Исто така зборува за клупата, а таму има играчи како Екитике и Санчез кои вредат 60 милиони евра. Од друга страна го става Бернат на неприродна позиција и зборува за повредените играчи.

– Можеби има повредени играчи, но во составот ги имаше Мендеш, Витиња, Руиз и Верати во среднио ред и Мбапе и Меси во нападот. И што покажаа тие? Ништо. Повремено некоја топка за Мбапе и толку. Галтие и неговите соработници се единствени виновници за ваквите игри, па дури и за повредените, бидејќи повредите се резултат на нивната лоша работа и проценка. Затоа престани да зборуваш за повредените играчи, – изјавил Ротен.

Реклама
Реклама
Реклама

Популарни