Поврзете се со нас

Мото ГП

Роси им ја соопшти својата првична одлука на големите Мото ГП фанови

Објавено

на

Валентио Роси се наоѓа во навистина специфична ситуација поради коронавирусот, бидејќи во овие изминати месеци во кои на програмата беа неколку трки, требаше да ја дознаеме и неговата конечна одлука за тоа дали ќе замине во пензија, или не.

Долгата пауза и фактот што никој не знае што следи ја прави состојбата далеку посложена за легендарниот италијански шампион, но сега тој на својот партнер Маверик Вињалес му откри дека најверојатно ќе биде приморан да вози и во 2021-ва година, што дефинитивно е добра вест за големите фанови на мотоциклизмот.

Роси има договор со Јамаха до крајот на оваа сезона, па според правилата, тој ќе мора да вози за сателитскиот тим во 2021-ва година, што значи дека ќе го гледаме на патеките и на 42-годишна возраст.

– Се наоѓам во многу тешка ситуација, моја прва опција е да продолжам. Имам голема мотивација и сакам да продолжам. Но, исто така за мене многу е важно нивото на компетитивност кое ќе го прикажам, особено ако се знае дека на крајот на минатата година патев многу, бев надвор од топ 5. Имам договор со фабричкиот тим до крајот на годината, а сметав дека ќе ми бидат потребни 5 или 6 трки за да донесам конечна одлука. Сега во оваа ситуација не го можам тоа. Не знам кога ќе можеме да се тркаме, во најоптимистичка ситуација, ќе може да се тркаме во вториот дел од годината, август или септември. Тоа значи дека ќе мора да донесам одлука порано, а јас сакам да продолжам. Не сакам да завршам на овој начин, можно е и да не се вози во 2020-та година. Затоа сметам дека треба да извозам уште еден шампионат и наредната година, па затоа очекувам да ме гледате и во 2021-ва година, – порача Роси.

Реклама
Реклама
Реклама

Популарни