Роси го сподели онборд видеото од својата Јамаха и одржа лекција за страшниот инцидент (Видео)

Валентино Роси и Маверик Вињалес до крајот на своите животи ќе ја паметат овогодишената трка за големата награда на Австрија, бидејќи само чудо ги спаси од огромна несреќа и трагичен епилог во кривината број 3 на патеката „Ред Бул ринг“.

Инцидентот всушност го зачнаа Жоан Зарко и Франко Морбидели кои се допреа пред кривината 3, но нивниот судир се случи при огромна брзина, што двата нивни мотоцикли се катапултираа како залутани куршуми.

Вистинска среќа беше тоа што Роси и Вињалес минаа без никакви последици, бидејќи буквално сантиметри ги делеше од огромна трагедија и страшни сцени во Австрија. Двајцата возачи на фабричкиот тим на Јамаха беа свесни дека и погледнаа на смртта во очи и Роси нагласи дека светецот на мотоциклистите ги чувал во неделата, а иако се уште смета дека Зарко е виновник за страотниот инцидент, сега во својата објава на Инстаграм нагласи дека тоа го направил ненамерно.

„Докторот“ сподели видео од неговата онборд камера и вели дека тие сцени се најстрашни за него, но во продолжение се обиде да објасни дека ова видео треба да им послужи на сите во Мото ГП како јасно предупредување колку треба да внимаваат на патеката.

– Сликите од мојата онборд камера се оние кои најмногу ме плашат, тука можете да сфатите колкава беше брзината со која мотоциклот на Франко мина точно пред мене. Помина толку брзо, што не го ни видов, кога се соземав, во истата секунда гледав како мотоциклот на Зарко буквално лета над главата на Маверик. За чудо, никој не се повреди, но се надевам дека овој инцидент ќе ги натера сите да размислуваат, особено ние возачите. Зарко не го предизвика инцидентот намерно, но останува неговата сериозна грешка во оценката што возач на Мото ГП не смее да си ја дозволи, особено при сопирање од 310 километри на час. Со брзо движење во десно и сопирање пред „лицето“ на Франко, не му даде простор за забави, па Морбидели го погоди со полна гас и брзина. Знам дека во трката сите играме за многу нешта и сите даваат се од себе да останат пред другиот, но не смееме да заборавиме дека нашиот спорт е опасен, а нашата безбедност и безбедноста на противниците е многу поважна од тоа да се добие позиција плус, – гласи објавата на Вале.

View this post on Instagram

Le immagini dalla mia telecamera sono quelle che mi fanno più paura,perché da qui si può capire la velocità con cui la moto di Franco ha attraversato la pista proprio davanti a me.è passata talmente forte che io non l’ho neanche vista,quando sono tornato ai box ero già abbastanza scosso per aver visto la moto di Zarco letteralmente volare sopra la testa di Maverick.miracolosamente non si è fatto male nessuno ma spero che questo incidente faccia riflettere tutti,soprattutto noi piloti.Zarco non ha intenzionalmente causato una carambola del genere,ma resta comunque un grave errore di valutazione,che un pilota di MotoGP non può permettersi,soprattutto in una staccata da 310 km/h.spostandosi velocemente sulla destra e frenando “in faccia” a Franco,non gli ha lasciato il posto per rallentare,quindi Morbidelli non ha potuto fare altro che centrarlo a tutta velocità.capisco che in gara ci si gioca tanto e tutti danno il massimo per stare davanti,ma non dobbiamo dimenticarci che il nostro è uno sport pericoloso,e l’incolumità nostra è dei nostri avversari è molto più importante che guadagnare una posizione.

A post shared by Valentino Rossi (@valeyellow46) on Aug 18, 2020 at 8:41am PDT