Рони О’Саливен: Сакам карантинот да потрае уште пет години

Рони О’Саливен ги насмеа снукер фановите со својот нов изглед кој го стекнал за време на карантинските денови, но „Ел Чапо“ стајлингот повеќе нема да го гледаме во Чемпионшип лигата бидејќи Британецот беше елиминиран од Стјуарт Бингам.

По трите одлични резутати во првата рунда, до израз дојдоа слабите тренинзи за кој самиот Рони говореше пред неколку дена, но елиминацијата од Чемпионшип лигата не му падна тешко на петкратниот шампион кој откри дека повеќе уживал во карантинот, отколку сега на турнирот.

Поради рестрикциите, турнирот се одржува без присуство на публика, но Рони не е многу загрижен за тоа бидејќи негова желба е карантинот да продолжи уште пет години.

– Навистина уживав во карантинот. Зборував со пријателите и со семејството. Зборувавме за снукерот, за се и сешто. Навистина сакам карантинот да потрае уште пет години.

– Лудо беше што воопшто дојдов на турнирот. Пред него, 24 сата минував во својата соба и се чувствував одлично. Исто така, имав време за се и бирав што можам да јадам и кога ќе го правам тоа, – додаде Рони.