Поврзете се со нас

Билијард и Снукер

Рони О’Саливен не е воодушевен од Хамилтон: Доминира само поради својот болид

Објавено

на

Големата снукер ѕвезда, Рони О’Саливен, признава дека неговиот сонародник Луис Хамилтон постигнал навистина неверојатен успех во Формула 1, но за него тоа не е доволно да го вклучи меѓу најдобрите спортисти на денешницата.

Од „ракетата“ било побарано да направи избор на седум врвни спортисти, кои според него се над останатите на светската сцена, а таму немало место за седумкратниот Ф1 шампион.

– Фантастично е што Луис освои седум титули, но ако вашиот болид е побрз од другите, можете да си дозволите и некоја грешка и тоа да не се почувствува.

– Мене повеќе ми изгледа како возење со запалена цигара и држење на воланот со еден прст. Во теорија се што треба да направи Хамилтон е да го победи својот клупски колега Валтери Ботас, а за него се чини дека е задоволен и со второ место.

– Немаше да се чувствувам подеднакво успешно во мојата снукер кариера, ако дупките на масата беа поголеми кога јас сум на потег, – изјавил О’Саливен.

Рони во големата седумка ги вклучил Рожер Федерер, Рафаел Надал, Новак Ѓоковиќ, Лионел Меси, Кристијано Роналдо, Тајгер Вудс и Фил Тејлор (пикадо).

Реклама
Реклама
Реклама

Популарни