Роналдо за пристигнувањето на Бензема во Саудиска Арабија: Не погрешив, јас ја отворив кутијата!

Кристијано Роналдо беше првата голема европска ѕвезда која реши да направи мега трансфер во Саудиска Арабија, но испадна дека тоа беше само почеток на она што следи во летниот преоден рок.

Португалецот го режираше трансферот во Ал Наср веднаш по завршеното Светско првенство во Катар, но крајот на сезоната донесе уште еден бомбастичен трансфер во Саудиска Арабија, а во најава има уште неколку.

Карим Бензема ја заврши незаборавната авантура во Реал Мадрид и вчера позираше со дресот на Ал Итихад, па сега поранешниот соиграч ќе му биде голем ривал на Роналдо во домашното првенство.

Кристијано изминативе месеци во неколку наврати порача дека првенството во Саудиска Арабија ќе влезе во топ 5 најдобри во светот, а сега се јави и со мислење за трансферот на Бензема.

– Знаев дека моето заминување во Саудиска Арабија ќе ја отвори кутијата. Не погрешив во тоа и сигурен сум дека во наредните две-три години ова ќе стане една од најважните лиги во светот. Карим дојде тука, а ќе дојдат уште многумина, – изјави Роналдо.