Роналдо за очекувањата од Мбапе: Реал Мадрид е поинаква приказна од ПСЖ

Кристијано Роналдо од неодамна е посебно активен на социјалните мрежи и ги коментира и актуелните случувања на фудбалската сцена, а во разговорите со Рио Фердинанд повторно бил споменат неговиот поранешен клуб Реал Мадрид.

Актуелниот шпански и европски шампион летово го ангажираше и Килијан Мбапе, а Роналдо очекува од Французинот да го потврди потенцијалот по краткиот период за адаптација.

– Реал Мадрид е поинаква приказна од ПСЖ, бидете сигурни во тоа.

– Опкружувањето и притисокот се на едно друго ниво, но јас сепак мислам дека тој ќе се снајде добро, – рекол Роналдо, кој го коментирал и Џуд Белингам.

– Има голем потенцијал и ќе биде еден од најдобрите фудбалери во својата генерација. Постојано расте и напредува, исто како и Камавинга, Винисиус, Родриго… рекла поранешната ѕвезда на Реал Мадрид.