Роналдо: Винисиус требаше да ја добие „Златната топка“

Кристијано Роналдо споделил интересни ставови за време на присуството на церемонијата за доделување на „Глоуб сокер“ наградите во Дубаи.

Еден од коментарите на Португалецот бил поврзан и со признанието „Златна топка“ и според Роналдо, тоа требало да му припадне на Винисиус, а не на реалниот освојувач Родри.

– Според мене наградата требаше да му припадне на Винисиус и мислам дека е направена неправда.

– Тоа го кажувам овде пред сите. Му ја дадоа на Родри кој исто така заслужуваше признание, но сепак Винисиус ја освои Лигата на шампионите и постигна гол во финалето.

– Сметам дека треба да се ценат одредени критериуми, другите работи се безначајни. Признанието треба да му припадне на тој што го заслужил, но тие го правеле ова и порано. Затоа ги сакам „Глоуб Сокер“ наградите, бидејќи вие ги давате признанијата на чесен начин и продолжете така, – рекол Роналдо.