Роналдо веќе има јасен план што ќе прави по крајот на кариерата

Кристијано Роналдо вчера имаше свое обраќање во шпанската јавност поради промоција на својата нова компанија за производство на вода, а тоа секако беше добра шанса да се искоментираат неколку актуелни случувања во јавноста.

Португалската суперѕвезда го коментираше пристигнувањето на Карим Бензема во Саудиска Арабија и нагласи дека очекувал таков интерес и за други играчи од Европа, но откри и дел од своите планови кои ги има за по крајот на кариерата.

Роналдо веќе некое време е и добар бизнисмен напоредно со импресивната играчка кариера, но по крајот на истата, има план да купи клуб и да поседува една цела структура како газда и прв човек.

– По крајот на кариерата, сакам да поседувам свој клуб. Секогаш сум бил одлучен и многу професионален и сигурен сум дека ќе го остварам тоа, – изјави Роналдо на презентацијата, на која открива уште колку долго ќе остане во фудбалот.

– Полека влегувам во самиот крај од мојата кариера, ќе играм уште најмногу две или три години, – заврши Португалецот.