Роналдо со потсмев ја испрати осмата „Златна топка“ за Меси (Фото)

Кристијано Роналдо за првпат не беше номиниран за „Златната топка“ откако претходно 18 пати беше дел од гласањето, а во таква ситуација, Лионел Меси првпат без конкуренција на Португалецот стигна до најпрестижното индивидуално признание.

Аргентинецот по осми пат во кариерата беше закитен со најважната поединечна награда, па иако за многумина тоа е апсолутно заслужено, добар дел од експертите и фановите се убедени дека му се нанесе голема неправда на Ерлинг Халанд.

Меси е апсолутен рекордер по бројот на освоени „Златни топки“ и ќе биде недопирлив уште долго време, а последната награда која ја доби наиде на исмевање од страна на Кристијано Роналдо.

Томас Ронсеро како уредник на мадридски „АС“ даде серија критики за подарената „Златна топка“, па при своето обраќање, заклучи дека три вакви признанија му биле незаслужено предадени. Познатиот шпански новинар вели дека првпат биле оштетени Чави и Иниеста во 2010-та година, потоа Левандовски пред две години, а последно Ерлинг Халанд.

Видео обраќањето кое го имаше Ронсеро стана вирално, а Роналдо изреагира на истото со лајк и четири емотикони за смеење, па многумина протолкуваа дека се потсмева со гласањето на престижните новинари кои ги селектира „Франс Фудбал“.

🚨 Cristiano Ronaldo ha dado LIKE y se ha reído en un vídeo de Tomás Roncero en el que critica el Balón de Oro que le han dado a Leo Messi. pic.twitter.com/R1OcS5LBeq

— SrNaninho (@SrNaninho) October 31, 2023

Cristiano Ronaldo liked and laughed in the comments on a video criticizing Messi's eighth Ballon d'Or.

The journalist said that Messi scored six penalties in the World Cup, and should have five Ballon d'Ors, arguing that he took one from Haaland, Lewandowski, and Xavi/Iniesta. pic.twitter.com/Mif97wAj9p

— ESPN FC (@ESPNFC) October 31, 2023