Роналдо со лажен потег го измести чуварот, па испрати неодбранлив шут во мрежата (Видео)

Ал Наср го одржува чекорот со Ал Хилал и продолжи со победите во Првата фудбалска лига во Саудиска Арабија, бидејќи денеска на домашен терен славеше над Ал Калеј со 2:0.

Фаворитот беше воден од својата најголема ѕвезда Кристијано Роналдо, кој на овој меч го отвори резултатот, а потоа имаше и улога на асистент во погодокот кој го постигна Лапорт.

Португалскиот гол-мајстор и натаму е незадржлив за противничките одбрани и одбраната на Ал Калеј немаше решение за неговиот богат репертоар, со тоа што посебно и интересен беше погодокот со кој го отвори резултатот.

Најпрво Роналдо со лажно движење го измести противникот и буквално го испрати на погрешна страна, по што можеше мирно да се намести и да испрати неодбранлив удар во мрежата на голманот.

Погодокот за 1:0 беше најава за победата на Ал Наср, која потоа во вториот дел само ја потврди поранешниот стопер на Манчестер Сити.