Роналдо: Мојот следен гостин на „Јутјуб“ ќе го урне интернетот (Видео)

Кристијано Роналдо беше познат како недопирлив рекордер на социјалната мрежа Инстаграм, но легендарниот Португалец реши таквиот статус да го префрли и на познатата видео платформа „Јутјуб“.

Роналдо почна да руши рекорди со отворањето на својот канал и собра незапаметени 10 милиони претплатници за само десет часа, па откако веќе и одработи една епизода со Рио Фердинанд, самиот Кристијано сега откри дека се подготвува за втората.

Португалскиот ас го искористи Фердинанд во најавната шпица за својот следен „јутјуб“ материјал, па иако успеа да остане мистериозен докрај, неговата најава е и повеќе од возбудлива.

Роналдо до последен момент ќе ја држи јавноста во неизвесност, но ветува дека неговиот следен гостин на „јутјуб“ ќе го урне интернетот.

Од споделеното видео, Рио Фердинанд очигледно на крајот дознал за кого станува збор, а набрзо тоа ќе го дознаат и фудбалските фанови кога ќе биде премиерно емитувана новата епизода на Португалецот.

🗣️ Cristiano Ronaldo: “My next guest on YouTube? We will break the internet.” 👀🍿

A reminder that he has already broken some 𝐎𝐔𝐓𝐑𝐀𝐆𝐄𝐎𝐔𝐒 records 📈🤯 pic.twitter.com/I9UJ0tKzgJ

— Pubity Sport (@pubitysport) November 17, 2024