Роналдо: Има една голема разлика меѓу моите голови и головите на Пеле, Ди Стефано и Еузебио! (Видео)

Рио Фердинанд како поискусен во „Јутјуб“ водите му беше гостин на Кристијано Роналдо во студиото кое го подготви Португалецот за оваа видео платформа, на која неверојатниот голгетер дебитираше пред само една недела.

Роналдо направи вистински бум во неколку дена и собра милиони претплатници на својот канал, а во интересниот разговор кој го води со својот поранешен соиграч, за издвојување е целта која тој си ја поставува како актуелен член на Ал Наср.

Кристијано вели дека прва цел му е да дојде до 900 гола во кариерата, а откако ќе го направи тоа, ќе тргне по јубилејот наречен „1000“.

Додека говореше за тоа, Роналдо не пропушти да нагласи дека зад секој негов гол стои видео запис, нешто што не е случај со други историски голгетери на кои се обиде да им фати сеир.

– Мојата прва цел е да дојдам до 900 гола, а потоа мој предизвик ќе бидат 1000 гола во кариерата. Има една голема разлика. Сите голови кои јас ги имам постигнато, за нив има видео запис. Тоа значи дека можам да докажам дека сум постигнал толку голови, – иронично изјави Роналдо, по што Рио веднаш ја сфати грешката.

– Ти си копиле, мислиш на Пеле, Ди Стефано, Еузебио……, – му возврати Фердинанд, а Роналдо повторно порача.

– Ги почитувам сите нив, но моите голови имаат докази. Ако сакате уште голови, можам да придодадам од оние кои ги давам на тренинзите, – заврши Португалецот.

Cristiano Ronaldo dans une vidéo sur sa chaîne YouTube avec Rio Ferdinand.

🗣️ « Je veux d'abord atteindre les 900 buts, puis les 1000. Mais j’ai une différence : tous mes buts sont filmés, j’ai des preuves ! Je les respecte tous, mais moi, j’ai des preuves. »

🤣🤣🤣 pic.twitter.com/q76ECD8g2y

— SPL 🇸🇦 (@ActuSPL) August 28, 2024