Роналдо го „шутна“ својот добар пријател во Валјадолид поради спорна изјава (Фото)

Роналдо Назарио веќе пет години е газда на Реал Валјадолид и постојано привлекува внимание кога тимот е дел од Примера, но и сега кога овој тим се натпрварува во Сегунда, Бразилецот повлече потег кој не остави никого рамнодушен.

Валјадолид е во горниот дел на табелата и го зазема четвртото место во овој момент, па иако Роналдо може да биде спокоен до одреден момент, доста турбуленции му предизвика неговиот близок пријател и сонародник, Жулио Баптиста.

Поранешниот напаѓач на Севилја и Реал Мадрид веќе четири години работеше како тренер на младинскиот тим на Валјадолид, но од оваа среда тоа веќе не е така, а причина за тоа е неговата спорна изјава.

Баптиста сериозно ја нападнал политиката на клубот по последниот пораз во младинската лига, кога нагласил дека луѓето од првиот тим не му прават услуга со тоа што ги промовираат младинците порано од предвиденото.

Оваа изјава на Баптиста на крајот допре и до Роналдо, кој и покрај блискоста и пријателскиот однос, реши да му врачи отказ и да го отпушти. За негов наследник експресно е назначен Алварио Рубио.

🖊️💜 Álvaro Rubio, nuevo entrenador del Real Valladolid Promesas.

El Club quiere agradecer a Julio Baptista y a su cuerpo técnico su desempeño como blanquivioletas al mismo tiempo que les desea la mejor de las suertes en el futuro.https://t.co/bsrtu4tO4M#RVPromesas pic.twitter.com/CXeCgOMsIj

— Cantera Real Valladolid (@RVcantera) November 8, 2023